Энэ хугацаанд экспортын хэмжээ импортын дүнгээс 3.6 тэрбум ам.доллароор давж, гадаад худалдааны тэнцэл ашигтай гарсныг Гаалийн ерөнхий газар мэдээллээ.
Оны эхний таван сард Монгол Улс нийт 8.5 тэрбум ам.долларын💲 бараа, түүхий эд экспортолсон нь өнгөрсөн оны мөн үеэс 56.1 хувиар өссөн үзүүлэлт болжээ. Экспортын өсөлтийг ⛏️ уул уурхайн бүтээгдэхүүнүүд голлон дэмжсэн байна.
Тухайлбал,👆 чулуун нүүрсний экспорт 46.9 сая тоннд хүрч, өмнөх оны мөн үеэс 60 хувиар 📈 өссөн байна. Нүүрсний экспортоос 3.2 тэрбум ам.долларын орлого олсон нь нийт экспортын орлогын 37.8 хувийг бүрдүүлжээ.
Мөн зэсийн баяжмалын экспорт нэг сая тоннд хүрч, жилийн өмнөхөөс 27.8 хувиар өссөн📈 байна. Зэсийн баяжмал дангаараа нийт экспортын орлогын 44.9 хувийг бүрдүүлж, Монголын экспортын хамгийн том орлогын эх үүсвэр хэвээр үлдэв.
Харин боловсруулах салбарын зарим бүтээгдэхүүний экспорт харилцан адилгүй үзүүлэлттэй байлаа. 👆 Ямааны самнасан ноолуурын экспорт өмнөх оны мөн үеэс 2.4 дахин өссөн бол алтны экспорт 26.5 хувь, 🐄 үхрийн махны экспорт 14.7 хувиар тус тус буурсан байна.
🌍Эх сурвалж: Гаалийн ерөнхий газар
Сэтгэгдэл